Komansman An

Nan yon ti moman konsa, gen plizyè ane pase,
Ti gason mwen te ye a vin tounen yon nonm;
Toudenkou lavi m komanse!
Mwen wè lemond devanm m --Se konsa
Gen yon labourè ki kanpe bò kote chwal li,
Ap swe sou premye bit mòn lan,
Apre l fin raboure anplasman bò rivyè yo
Nan plenn ki anba a
Li wè yon bit nan bò mòn lan pou l raboure
Yon tè wòch esteril ki kraze dan wou
Kounye map tann
Kite l laboure si l kapab!

Okòmansman

Toudenkou, sa gen plizyè lane,
Tigason m te ye an vin yon nonm:
Sanzatann lavi m te derape!
Mwen te wè mond lan devan m— Kidonk
Travayè latè sa a kanpe bò chwal li yo
L ap swe sou fontèn premye ti mòn lan
Apre l fin kite tè larivyè wouze yo
Ki siyonen vale an anba,
Epi li wè yon flan montay pou l travay,
Wòch arid pou file pati pa l lan
Loray k ap pandje nan lè an,
Ak tèt mòn lan tou nwa anlè tèt li, toutouni
K ap ret tann kounya.
—Kite l travay li l si l gen kran!

Kòmansman an

Nan yon bat je, anpil ane pase,
Gason mwen te ye a te vin yon nonm:
Kou yon zeklè, vi mwen te kòmanse!
Mwen te wè mond lan avan tètanm
Bò chwal li yo, travayè sa kanpe
Nan premye tèt kolin nan plen ak swe,
Deja kite tè kote rivyè a
Li foule tè nan ri vale anba,
Li wè lòt bò mòn nan pou siyonnen,
Wòch arid pou file dan fè kabwa,
Loray rete anlè ap bougonnen,
Pik mòn grizon anlè tèt li a nwa,
Tann kounye a.
Kite li laboure li sil kare.